香港新浪網 MySinaBlog
ThatsWhy | 10th Apr 2014 | Y爺隨筆 | (1330 Reads)
請原諒我, 優惠完左先講. 由於我呢個唔係優惠機票網站. 所以我一直都好少介紹優惠機票優惠酒店等等. 今年年頭去完日本結婚, 幾個月唔夠, 老婆豬又話想去日本玩. 為左慳D錢, 所以我呢幾日好留意廉航既優惠, 終於好努力而又好好彩咁樣, 買到來回大阪 HK$980 既香港快運機票. 故事是咁的...... (閱讀全文)

ThatsWhy | 3rd Apr 2014 | 東京旅遊小貼士 | (961 Reads)

以下文章折錄自 "東京兩大機場 - 成田機場 & 羽田機場 (14年4月1日更新)" 篇, 由於更新既內容放起最底, 為左方便大家睇, 所以抽出黎開篇新既獨立講多次.

2014年4月1日起, 原先兩種機鐵+Suica既PASS都取消左(包括N'EX+Suica以及Monorail+Suica), 真係慘喇! 不過咁, JR EAST為左遊客新推出左新既N'EX東京直達單程車票優惠, 單程計係勁抵的, 咁返機場點算? 陣間先講, 講左由成田機場出發先!
Picture

呢 個優惠是咁的, 只要你由成田機場出發, 到東京市任何一個JR車站落車, 成人單程只需Y$1500. 同以前一樣, 一個價錢去到最遠可以去到大宮, 橫濱同埋大船都得. 不過唔單止咁, 其實你只要唔好出閘, 就可以任你轉JR旗下任何路線於東京市內任何一個站落車. 例如原宿, 秋葉原, 甚至係奧多摩都得. 呢一個安排係方便大家去非N'EX 停站既地方既, 但係一定要記住唔可以出閘, 食左你張票你就要再買票架喇. 詳細東京市內如下圖(可按圖放大):
Picture

好喇, 回程點算呢? 除左轉搭Skyliner之外, 都仲有辦法既. 平平地既話, 大家可以試下關東地區通票. 

Picture

JR關東地區通票 (JR Kanto Area Pass) 其實係一種三天任搭既PASS, 成人收費係Y$8300. 唔好以為八千YEN好貴, 佢係可以比埋你搭新幹線同埋成田特快N'EX的, 包括既地方如下圖. 詳情可以去以下網址睇: http://www.jreast.co.jp/tc/kantoareapass/index.html
Picture
拿, JR個網站就無提過呢個PASS可以搭N'EX, 不過筆者已經打長途過去JR問過, 作實左係可以免費搭N'EX的. 一如使用呢張PASS搭指定席既新幹線一樣, 要搭指定席既班次(N'EX全線都係指定席的) 可以拎張PASS去任何一個JR站既JR客戶服務中心免費留位, 跟住佢會印張指定席既車票比你的.

如果大家打算買呢張PASS既話, 筆者建議大家將你既長途景點放到旅程既最後三日, 好似筆者之前介紹過既千葉咁, 東京來回千葉既普通JR車票都要五千幾YEN. 所以就算唔搭新幹線既話都已經回番本. 


羽田機場又點算呢? 買關東PASS又好似唔太抵, 始終Monorail又唔係好貴, 不過咁, 原有既Monorail+山手線優惠並無取消到, 仲無加價添 @@"
Picture

呢 個優惠只適用於逢星期六, 日及公眾假期使用, 使用返法好簡單, 只要你起羽田機場, 於售票機揀 Y$500山手線優惠 就可以買到, 唔駛去客戶中心買的, 所以好方便. Y$500係包左你由羽田機場單程去山手線任何一個站落車. 比就咁買飛平200-300YEN左右啦, 好過無. 不過當然, 又係果句, 只要你唔出閘既話, 你轉邊條線都得既, 好似筆者就試過由羽田出發, 到達濱松町轉山手線去東京再轉中央線(快速)去新宿. 只要你係山手線沿線落車就可以. (至於點解我咁轉? 因為我覺得咁樣去新宿快D)

本文部份圖片取材自JR EAST RAILWAY COMPANY.


ThatsWhy | 1st Apr 2014 | 東京旅遊小貼士 | (348 Reads)

今日係4月1日, 但係以下既資料並唔係整估你, 今日開始日本加消費稅喇!! 仲有連原本好抵既來回NEX+SUICA PASS都無埋!! 以下有詳細介紹, 先講日本:

日本新知:

  1. 今日新聞都講左, 日本會加消費稅, 由5%加到8%. 所以車費當然會貴左, 同埋買野既時候, 記得儲埋一次過買, 買夠Y$10800 (即八百幾蚊港幣)就可以退稅. 部份商店係可以做即場退稅的, 例如 激安. 退稅好容易, 你比本PASSPORT佢, 佢會寫張退稅單然後釘落你本PASSPORT度, 唔駛驚, 正常的. 出關時, 海關會拎走佢用黎做紀錄.
  2. 東日本JR兩大機場既PASS, 包括NEX+SUICA以及MONORAIL+SUICA PASS都一併取消. 慘喇!! 不過好彩, NEX出左個Y$1500出市區既計劃, 詳請連埋其他PASS既資料一次過於東京機場篇一文中更新.
  3. 亦都因為日本加稅既關係, 筆者將會加入沖繩篇, 因為沖繩比東京既物價平, 但係機票同台北比只差幾百蚊. 同埋, 沖繩有全日本唯一一間(聞說係)位於機場禁區外既Duty Free商場. 我諗我將來都會多D去沖繩而又再少D去台灣. (死喇, 已經好耐無去架喇 =.=")  不過咁, 今年九月, 我會同老婆豬去一次大阪. 不過大阪唔寫LU.

台灣新知:

  1. 今年年頭, 一公佈今年夏季航班時間表既時候, 航空迷都好驚訝, 各大航空公司都縮減台灣既航班, 將資源調去泰國. (當時當然未發生暴亂啦, 加上改時間表係一年前要決定的) 不過咁, 物極必反, 3月30日開始, 中華航空由原本每星期30班加到33班, 6月再加到35班. 跟住港龍又話加, 由原本每星期45班加到49班. 高雄邊有咁多人去呀?