香港新浪網 MySinaBlog
ThatsWhy | 19th Sep 2013 | Y爺隨筆 | (264 Reads)

各位讀者, 今日筆者要向大家講一件喜事. 就係筆者要結婚了. 婚期是明年2月14日, 上午10時正, 於日本沖繩Okuma Felicia Church舉行. 如果有朋友當日會去沖繩旅行的話, 可以過黎搵我影張相.

當然啦, 作為一位旅行BLOGGER. 早前介紹過大家既ANA日本內陸機優惠, 我已經試左. 雙人來回沖繩同東京, 連埋稅都只係$33XX. 真係非常咁抵. 可惜未來老婆唔鍾意北海道, 否則三千三蚊搭四個幾鐘去北海道就更加抵上加抵.

ThatsWhy..


ThatsWhy | 8th Sep 2013 | 東京近郊 | (629 Reads)

整個箱根大涌谷遊, 我地搭過火車, 纜車, 吊車. 除左吊車之外, 另一個最令大家期待既係呢一站, 桃源台搭海賊船了.

去桃源台好簡單, 由大涌谷搭落山既吊車就可以. 車程約20分鐘. 桃源台好方便, 樓上係吊車總站, 樓下就係碼頭. 唔駛驚唔識路. 呢座大樓有一間便利店, 亦有一間餐廳. 基本上呢度無必要停留. 直接搭下班船就可以. 唯一要小心既係尾班船既時間. 呢點要視乎你既行程. 印象中下午五點左右就係往元箱根港同箱根町港既尾班船.

 (閱讀全文)

ThatsWhy | 8th Sep 2013 | 東京近郊 | (673 Reads)

由強羅出發要上涌谷. 先要搭箱根登山纜車去到早雲山, 再轉箱登吊車上大涌谷. 纜車車程約10分鐘. 吊車就10分鐘左右.

PicturePicturePicture

 (閱讀全文)

ThatsWhy | 8th Sep 2013 | 東京近郊 | (938 Reads)

上回講到, 當你離開箱根湯本之後, 如果你係繼續上山的話, 咁就要搭箱根登山鐵路. 呢條鐵路好特別, 其實應該話佢同阿里山鐵路係一樣, 採用來來回回爬山既方式上山的. 所以部車係一時向前行, 一時向後行. 來來回回約40分鐘就會去到強羅. 而中途既站, 除非你要去酒店或者特別既景點. 否則係無需落車的.

PicturePicture

如果你唔可以坐 "倒頭車" 的話, 咁就最好去車頭或車尾坐打側坐既位了. 另外上圖寫住, 冬天係會開暖氣的, 發熱線起你既座椅下面, 所以小心唔好燙傷. 不過冬天個個都應該著長褲架啦??

根住下面各張相都係上強羅其間既中途站同中途景色, 由於筆者無落車既關係, 大家睇相吧.
PicturePicturePicturePicturePicturePicture

 (閱讀全文)

ThatsWhy | 8th Sep 2013 | 東京近郊 | (966 Reads)

上文講到, 箱根湯本係箱根(大涌谷)之旅既起點, 亦可以話係終點. 講多一次. 搭小田急Romance Car既乘客係可以直接起 "箱根湯本" 站落車. 而搭JR及小田急普通列車的乘客就要起 "小田原" 落車再轉小田急線火車入黎.

如果你係即日來回既話, 咁就唔好浪費時間, 一落車過直接行過對面月台, 搭箱根登山鐵路上強羅. 黃昏回程既時候先好行箱根湯本. 如果你會留幾日的話, 咁你就反而先要起箱根湯本呢度買D小食, 食飽野先再上路. 簡單D咁講, 上左山之後就無啖好食的. 又先睇下地圖.Picture

 (閱讀全文)

ThatsWhy | 7th Sep 2013 | 東京旅遊小貼士 | (1145 Reads)

大家好, 好耐無上黎更新過. 屋的確係搬好了. 但係無上黎既原因係......衝上雲霄2實在係太好睇. 師父明白了又好睇, 依傢情逆三世緣又好睇. 所以.....哈哈. 係我懶啦好未?

近日為左新年既日本之旅搵緊D資料. 搵搵下見到個內陸飛機票既超級優惠!!!

http://www.ana.co.jp/wws/hk/c/local/promotion/experience_jp/

只要你不是日本人, 持有BNO或特區護照(總之唔係日本護照就可以), 同埋出示任何一間航空公司來回香港及日本既機票做證明(當然要係你本人名字). 就可以用$10800円購買一程ANA既內陸機票.

$10800円, 可以去日本既任何地方, 我當你東京落機計, 去沖繩或者去北海道就最抵! $10800円即係港幣$800左右. 筆者親身試過, 入到去個網頁之後, 有非常多既航班比你選擇, 唔會淨係得D差既時間, 另外, 買來回都可以, 價錢同樣係$10800円 *2. 抵到爆炸!! 有效期至26/10/2013. 十月前出發既朋友, 你都訂番張內陸機票玩多個點啦!!

記住!! ANA係有全新既787客機的, 訂既時候, 順手睇住787黎訂喇!

(1/4/2014 更新 )

有效期廷長至2014年!!!!!! 10月25日了. 大家聖誕新年要去日本旅行, 就唔好錯過喇.


ThatsWhy | 1st Sep 2013 | 東京近郊 | (3361 Reads)

箱根係一個泡溫泉既好地方,跟據小田急既介紹,淨係箱根內既著名溫泉旅館已經有17間。仲未計遠少少既仙石原同御殿場既溫泉。另外,去箱根既另一個目的,就係上火山(大涌谷)了,大涌谷最出名既就係黑色雞蛋(黑玉子蛋)了。最後當然唔少得坐海盜船遊覽蘆之湖啦,聞說蘆之湖既湖水係暖架喎@@" 好喇,起介紹之前,再長氣D講多一次。地方太大既景點我會分幾篇黎寫,而呢一篇(即係本文)就會係總覽,先簡介每個景點有咩好玩好食好睇。等大家方便D去PLAN行程,之後會有獨立既篇章去介紹唔同既景點。

開始之前,有一個問題係我當時出發前搵極都無答案既。就係一日來回箱根連大涌谷可唔可行既呢?答案原來係:可以既!筆者就係朝早十一點左右由新宿出發,夜晚八點左右由箱根湯本走。中途仲可以去埋強羅,再搭吊車上大涌谷,再坐埋海盜船去元箱根港,兜一個轉再番翻去箱根湯本走,玩齊咁多仲交通工具添。唔明我講緊乜?咁睇地圖先啦。 Picture

 (閱讀全文)