香港新浪網 MySinaBlog
ThatsWhy | 25th Jul 2013 | Y爺隨筆 | (216 Reads)

之前講過, 筆者下星期一要搬家了. 依傢屋企亂過亂世佳人. 不過今日因為公事去左搵香港誠品. 有D同大家有關而又唔係機密既野可以同大家講下.

誠品台灣既酒店 -  誠品信義文化旅館好快就會開幕, 位置大約係台北市信義區. (我都知係廢話架喇 =.=")

呢個時候, 筆者梗係問下如果我去有冇折啦. 答案係......哈哈哈.

 

大家下次去台北, 可以有多間酒店住下喇!


ThatsWhy | 13th Jul 2013 | 東京近郊 | (2754 Reads)

襯今日有時間先寫左橫濱先, 好耐之前講過. 我會先寫東京近郊既景點, 後寫市中心入面既景點.

橫濱距離東京圈約半個鐘車程, 唔係太遠, 又好多野玩, 仲要勁浪漫. 所以好多香港人都鍾意去. 橫濱著名既景點包括: 有個鐘起上面既大摩天輪, CUP NOODLE博物館, 紅磚屋(行街買衫食野的), 再遠少少可以去埋中華街(即係日本唐人街).

去橫濱最快既方法係搭JR湘南新宿線(急行), 約30分鐘就到橫濱站. 可是, 橫濱既景點分散, 去到橫濱站之後其實你仲要轉一程 "港灣未來線" 先可以去到景點. 所以本文不會介紹大家搭JR. 搭一個平D既方法啦, 就係搭 "東急東橫線". 詳情如下:

 Picture

 (閱讀全文)

ThatsWhy | 12th Jul 2013 | Y爺隨筆 | (268 Reads)

放心. 唔係呢度要搬. 真係我自己要搬屋而已. 傢俬買左, 訂又落左, 月尾就會搬架喇.

所以我應該會下個月先開始再更新日本篇了. 如果大家對台灣或日本既內容有查詢, 或者要PLAN行程既話, 請電郵去thatswhycmidi@yahoo.com.hk

謝謝.


ThatsWhy | 4th Jul 2013 | 台中 - 南投縣 | (2197 Reads)

台中咁好玩, 點會咁快走? 今日筆者再為大家介紹一個香港人必到既台中著名景點. 就係南投縣既 日月潭 喇! 講開日月潭, 早兩個月睇台灣既新聞報導. (筆者在香港都係睇台灣既TVBS的). 新聞話, 由於無論遊客定當地人都淨係識日月潭, 而無人記得日月潭就係南投縣, 所以不如將南投縣改名做日月潭縣. 當然, 我地暫時可以當笑話黎聽, 但不過, 大家可以知道日月潭對南投縣黎講係幾咁重要.

起開始呢篇介紹之前, 大家要知道日月潭係一個幾大既地方, 加上景點分散,  所以你至少要預一日時間遊覽. 如果你想去埋九族文化村玩埋機動遊戲既話, 咁就要兩日時間了. 故此, 日月潭既介紹我會分幾篇文章黎寫. 今日第一篇寫總覽, 等大家知道日月潭有咩地方好食好玩, 同埋點搭車去. 聽日開始我會逐個景點作詳細介紹. 依傢就先睇下日月潭既地圖先啦.

Picture

 (閱讀全文)

ThatsWhy | 3rd Jul 2013 | 東京旅遊小貼士 | (4237 Reads)

起開始日本篇之前, 一定要先介紹左日本既鐵路先. 因為日本既鐵路網非常覆雜, 但係覆雜既優點係總有一個地鐵站起附近. 亦都因為日本既鐵路路線, 就算同一條線都會有好多唔同既終點站, 就好似香港東鐵綫咁有分羅湖車同落馬洲車一樣. 所以未去過日本, 又或者本身對日本鐵路唔熟既朋友, 記得睇左呢篇先喇.

日本既鐵路簡單可以分為 JR 同 私鐵 兩種. JR是日本鐵路集團經營, 而私鐵其實是私有化鐵路既統稱, 單單東京圈內計, 已經有幾家私鐵公司, 包括: 都營, Metro, 小田急電鐵, 東急電鐵, 西武等等. 一般黎講, JR既線係可以互相免費轉乘的, 而私鐵線亦都可以各自互相轉乘. 但係由於各私鐵既停站位置有差異既關係, 部份車站係需要乘客先出閘, 然後步行至另一家私鐵車站大堂再入閘的, 就好似香港尖沙咀同尖東站既關係咁. 所以上文提到, 去得日本玩, 記得買定張SUICA(八達通). 咁樣轉車會方便好多.

另外, 日本既鐵路亦都類似台灣台鐵咁, 分左好多種唔同速度既車次, 包括有站站停既 "各停", 飛少少站既 "快速Rapid", 再飛多少少站既 "急行Express / 通勤特急", 同埋唔駛點停站既 "特急Limited Express". 要注意既係, JR同埋開往市郊既私鐵既特急班次多數都係採用 "對號座" 列車的, 咁用得對號座咁爽當然要比貴D錢, 一般會比普通車貴多一倍價錢. 而市區內行走, 採用普通地鐵列車行走既私鐵線特急車就無需加錢, 當普通車咁搭就得架喇. 所以起日本搭地鐵有時真係唔駛急, 搭下一班急行可能仲快過之前一班車去到目的地. 

PicturePicture

上面個時間表係一個例子, 大部份既車站都會有明確既時間表列出黎比大家睇. 日本既鐵路係實時的, 幾點開就幾點開, 唔似香港地鐵咁預唔到時間. 而時間表唔同顏色既字代表唔同既班次.

Picture

另外, 起大部份JR同私鐵既月台, 都會有該路線列車停站既列表, 你只需要留心睇每一個車站旁邊既 "點", 就可以知道邊種車次係會途經該車站. 以上面為例, 涉谷就四種車次都會停, 而代官山站就只有 "各停" 既班次會停站. 一般黎講, 急行車飛得既站都係D比較少人上落既車站, 所以應該對各位旅遊人士影響不大既. 

起分開介紹JR同私鐵之前, 我想同大家講, JR會比私鐵貴少少. 但係由於JR轉車比較方便, 亦都係起地面/架空行走既關係, 筆者同各大旅遊書一樣, 比較推薦大家搭JR線遊日本. 

 (閱讀全文)