香港新浪網 MySinaBlog
ThatsWhy | 21st May 2013 | Y爺隨筆 | (255 Reads)

近日因為筆者晚上要返學兼考試既關係. 的確係少左上黎. 所以大家最好電郵比我 thatswhycmidi@yahoo.com.hk 電郵我日日都會睇, 亦盡諒一天內回覆大家.

講番正題, 由於我屋企個瀏覽器已經紀錄左我呢個BLOG既密碼. 所以我已經忘記左我個密碼. 於是我諗住改密碼啦. 點知改密碼原來係要先登入的, 咁我都唔記得我密碼, 咁請問我又點登入呢? 好喇, 咁我諗住起 "幫助信息" 度問SINA點改密碼啦, 點知發出個問題既時候又係要登入既. 咁大佬呀, 請問我點先可以更改密碼? 我又點先可以問到SINA問題?  =.="

 

ThatsWhy..

----------------------------------------------------------------------------------

3/6/2013

最後, 我終於撞中個密碼了. 呢個BLOG可以繼續RUN落去了.^^

 

ThatsWhy..


ThatsWhy | 5th May 2013 | 台灣旅遊小貼士 | (353 Reads)

真係得意. 當我尋日寫左話我將會寫日本旅遊既時候, 今日睇U Magazine 時睇到下面既報導.

Picture

D字太細既等我講啦. 由今年五月開始至下年三月底. 如果你買左平溪線一日票的話, 唔好掉, 留番下次去日本時可以免費換江之島電鐵一日票. (調番轉同樣) 

如果用銀碼計, 當然係用平溪線換江之島電鐵抵啦. 但係之後既日本篇當我介紹江之島時, 我會教大家買小田急PACKAGE, 個PACKAGE其實係包埋江之島一日票的. 算啦. 既然日台聯手搞優惠. 大家開心下吧!

(本文相片取自U Magazine)


ThatsWhy | 4th May 2013 | 高雄 - 高雄市 | (1119 Reads)

一日內寫埋西子灣, 爽皮! 接番上文既鹽埕埔, 我當大家步行過黎又好, 搭捷運黎到西子灣都好, 西子灣既景點其實唔多, 筆者甚至係為左駁船去旗津. 我地一齊睇下地圖先啦.

Picture

大家又睇下紅字, 由左至右, 由上至下咁睇, 景點有 中山大學, 靈興殿, 打狗英國領事館, 鼓山渡輪碼頭, 打狗鐵路博物館. 由西子灣捷運站出發, 步行去鼓山渡輪碼頭要5-10分鐘. 打去中山大學就15分鐘左右啦, 想行去打狗英國領事館既話就太遠了, 要拐個大彎先去到, 去到仲要行百幾級樓梯上山, 一係就租單車當遊覽下, 否則, 搭公車吧. 詳細如下:

 (閱讀全文)

ThatsWhy | 4th May 2013 | 高雄 - 高雄市 | (1557 Reads)

終於黎到全個台灣篇既最後一區, 鹽埕區. 今集先會講下鹽埕埔, 之後會再講西子灣, 最後講埋旗津之後. 整個台灣篇就可以講句收工. 之後就會開始日本東京篇既旅遊介紹. 當然台灣咁大, 仲有好多地方未同大家介紹(即係筆者暫時仲未去過). 將來吧! 筆者再去台灣之時就會再為大家介紹. 不過應該唔會太快, 因為日本篇我諗諗下原來可以有排寫.......

一般黎講, 鹽埕埔同西子灣, 甚至係旗津係應該黐住一齊去的. 睇左下面既地圖先.

Picture

大家可以睇到, 其實鹽埕埔同西子灣站的確係好近, 步行約15-20分鐘就會行到 (我諗銅鑼灣行去灣仔咁上下啦). 而西子灣站既再左手邊就係搭船去旗津既碼頭喇, 我地下次先詳細講. 講番鹽埕埔, 好多人都問究竟呢個地方值唔值得去? 旅遊書講到呢度好似好多野睇咁. 但係你一出捷運站既感覺又好似比人呃左咁, 周圍都係住宅仲要係好舊區添.

今日我簡單咁答你, 如果你想去 歷史博物館, 藝術區, 鐵路博物館(西子灣篇時先會講到) 或者 真愛碼頭既話, 你咪去囉, 否則呢個地方的確係可以SKIP.

睇番上面地圖既紅字, 大家可以大約知道不同景點既位置. 由鹽埕埔站行去博物館同藝術區時間大約係5-10分鐘. 而著名手信鋪 瑪莉食品就位於五福四路近高雄橋既位置, 買完行番過橋去國賓大飯店都唔係好遠. 真愛碼頭就真係遠少少, 但係為左浪漫同影相既你應該無計既. 好喇, 入詳細正文.

 (閱讀全文)