香港新浪網 MySinaBlog
ThatsWhy | 24th Feb 2013 | Y爺隨筆 | (382 Reads)

Picture

我對台灣既愛, 不只地方, 電視劇, 綜藝節目......仲有遊戲. PS3早前出左隻台灣高鐵既GAME, 身為台灣旅行BLOG既作者, 當然要買番隻黎玩下. 

GAME入面全部街景都係由實景拍攝. 可惜既係, 站太少. 基本上你一開車, 沖個涼, 食埋飯, 兩個鐘頭左右返黎就到高雄. 所以玩左一次總站去總站之後, 就放左起度了.

不過咁, 隻GAME入面有唔少台灣地區既介紹, 唔打機都可以買黎當旅遊書用, 因為佢真係圖文並茂的. 仲有, 佢連暫時仲係起緊既高鐵站都已經顯示埋出黎, 只係......得預留路軌, 連月台都無.  =.="

 

ThatsWhy..


ThatsWhy | 6th Feb 2013 | Y爺隨筆 | (342 Reads)

整整一個月都無寫過野. 點都上黎留番隻字先. 再向各位道個歉. 因為筆者實在太懶了. 希望過年時抽空寫番一篇半篇先.

不過其實, 我係有借口的. 就係我三月尾會去日本旅行. 平時去台灣旅行, 邊度未去過, 邊度想再去既話, 同老婆豬相量一陣, 就帶住個"急"上機就可以. 地圖都唔駛帶. 但係去日本就慘喇, 雖然我對日本既地方同交通都有一定既認知. 但係未出發, 已經覺得日本好貴. 車費貴, 食野又貴. 無法啦, 用台灣黎比真係無可能比較. 同埋日本好多地方都要轉車, 同時亦有好多周遊券. 求其去個地方都要左計右計先知要用買飛. 交通有時係就係方便, 但係一程過同行少D轉幾程車, 又諗餐飽. 你話丫, 去旅行咁辛苦為乜?

我就梗係明啦, 唔係都唔會寫呢個台灣BLOG幫大家手. 近日見到新聞話高雄會引入地面鐵路, 對於交通比較單一既高雄黎講, 的確係一個好消息. 日後有再多D資料既話, 我再話比大家知啦.

新一年, 祝各位讀者新年快樂, 蛇年多D去台灣玩. 

 

ThatsWhy..