香港新浪網 MySinaBlog
ThatsWhy | 22nd Oct 2012 | 屏東 - 墾丁 | (1708 Reads)

終於開始我地墾丁篇既第一集 - 恒春喇. 不過起開始墾丁篇之前我想同大家介紹一個當地人整既旅遊網站先, 就係悠遊墾丁了(http://www.uukt.idv.tw). 悠遊墾丁最重要既地方就係網主好用心咁整既地圖, 地圖同本博客一樣, 將墾丁細分左做幾個部份咁去介紹. 佢個地圖仲詳細到連墾丁既百幾間民宿, 食肆, 海角七號既景點都一一列晒出黎. 咁當然, 起墾丁既賽車場為例, 都唔知有三四五六個, 究竟邊個仲營運緊, 邊間執左, 可能個網未必百分百更新得切. 但係東家唔玩玩西家. 有呢個地圖總係方面D既. 去墾丁既朋友, 記得去悠遊墾丁個網度PRINT番張地圖出黎旁身先好去呀!!

好喇, 開始我地恒春站既時候, 又睇下地圖先.

Picture

 (閱讀全文)

ThatsWhy | 17th Oct 2012 | 屏東 - 墾丁 | (11091 Reads)

墾丁, 係台灣既最南部. 呢度無高樓, 無繁華既街道, 兼好鬼死遠 (離高雄兩個半小時車程), 仲有個未爆炸既核電廠添. 不過, 自從N年前既一套 "海角七號" 之後 (2012年仲講呢個話題, 自己都覺得有點老土), 墾丁就出名起黎.

其實上面既介紹都係半開玩笑, 想去墾丁的, 多數都係慕名而去既, 又駛乜我介紹丫. 不過咁, 香港人成日話 "去墾丁", 其實筆者覺得係一個統稱. 事實上淨係計墾丁呢個地方已經包含左好多景點, 包括鵝鑾鼻, 風吹砂等. 再加埋周邊既小城, 應該有荃灣到屯門咁大範圍.

我地又睇下地圖先:

Picture

 (閱讀全文)

ThatsWhy | 2nd Oct 2012 | 台灣旅遊小貼士 | (662 Reads)

寫高雄真係寫極都寫唔完, 但係大家又催我寫墾丁喎. 咁好啦, 西子灣同旗津就ROUND 2先寫, 下一集開始寫墾丁吧. 不過點都講埋今集先.

高雄推介之一 "古早味紅茶"
拿, 台北出名既野食就有阿給同鐡蛋啦, 台中就有珍珠奶茶丫, 咁高雄有咩出名呢? 吳寶春麵包?  No. 答案係 "古早味紅茶". 起高雄, 你地平時行街見到既街邊飲料檔口, 記住唔好再叫珍珠奶茶喇, 試下叫杯紅茶啦. 高雄既紅茶係用傳統方法同茶葉製造, 所以味道同你平時香港飲既西式紅茶有極大不同. 當地人叫呢種茶做 "古早味紅茶" (其實你叫紅茶即係古早味架喇). 呢杯紅茶有咩咁好飲呢. 首先, 佢無珍珠奶茶咁甜, 無奶丫嘛, 但係又無烏龍茶果種苦苦地既感覺. 呢杯紅茶有種早藥既味道, 飲落有極有茶味之餘仲有D甘甘地既感覺. TWD$30 一杯, 一場黎到就記住試下喇!

高雄推介之二 "公車168號線"
Picture

 (閱讀全文)