香港新浪網 MySinaBlog
ThatsWhy | 30th Jul 2012 | 高雄 - 高雄市 | (1127 Reads)

早幾日簡介左高雄究竟有咩好去處. 今日我地先去義大世界玩下先啦, 話晒義大世界起高雄黎講都係新景點, 落成兩年左右, 亦係台灣中南部唯一既大型主題遊樂場連大型商場連酒店! 仲勁過香港迪士尼, 你都咪話唔勁!! 但係如果淨係講遊樂場面積既話, 就大約係香港迪士尼既一半. 唔細架喇, 香港無得玩既呢度都有齊. 一齊黎啦!

Picture

 (閱讀全文)

ThatsWhy | 23rd Jul 2012 | 高雄 - 高雄市 | (3553 Reads)

離開左阿里山, 再向南進發, 終於黎到我屋企 - 高雄! 除左台北之外, 另一個香港人常去既地方就係高雄, 當然啦, 高雄有義大世界, 又可以再南下去墾丁玩水. 但係你又知唔知高雄究竟有咩好玩好食好行呢? 今集就等我將高雄市好玩既地方作一個簡單既概覽話過你知. 之後我就會逐個景點分集咁詳細介紹. 而完成埋高雄之後就會介紹大家等左好耐既墾丁. 再之後又會重返台北.

好喇, 講番高雄, 其實高雄地方唔算好大, 至少細過香港, 所以好多景點都可以搭公車或捷運就可以去到. 高雄比台北熱好多, 不過人同車都少好多. 另外就係, 高雄既物價係比台北平的, 所以你會發覺呢度買野平過台北好多. 但當然, 名牌就另計啦, 公價架嘛. 講到捷運, 高雄捷運得紅同橙兩條線咋, 我地先睇下個路線圖先啦.

Picture

 (閱讀全文)

ThatsWhy | 22nd Jul 2012 | 台灣旅遊小貼士 | (26033 Reads)

起未開 "高雄" 呢個新主題之前, 又唔想丟空呢度一段長時間. 不如講下台灣既機場吧. 原本以為開個BLOG講下台灣好容易, 但到落筆既一刻先知原來好有難度. 難度在, 我去遊行時影既相, 當時沒有為呢個BLOG既打算. 所以一D車站, 又或者指示性既相片全部無影到. 另外就係, 雖然呢個BLOG無咩法律責任, 但係我都唔想大家起呢度會吸收左D錯既資料. 所以無論時間表, 班次, 收費等等, 我都要再三咁查證過先寫出黎. 香港就話得三間巴士公司同一間港鐵0者. 但係台灣咁大, 淨係捷運都兩間, 公車公司數以十計, 仲未計國道公車......不過咁, 開得呢個BLOG, 我點都會寫落去既.

講番正題, 香港人去台灣最常落機既有三大機場:

1) 台北桃園機場
2) 台中清泉崗機場
3) 高雄小港國際機場

 (閱讀全文)

ThatsWhy | 18th Jul 2012 | 台中 - 嘉義縣 | (1557 Reads)

起台中同台南之間, 有一個好出名既縣, 就係 嘉義縣. 而一般香港人去得嘉義縣既原因就只得一個, 就係上 阿里山 喇!!!

Picture

 (閱讀全文)

ThatsWhy | 15th Jul 2012 | 台中 - 南投縣 | (466 Reads)

早幾日問左大家一個問題, 就係楊丞琳個相機廣告究竟起日月潭邊個地方拍既呢? 今日開估了, 就係向山行政暨遊客中心(圖D)喇!! 先等大家回味下個廣告先.

 

 (閱讀全文)

ThatsWhy | 15th Jul 2012 | 台中 - 南投縣 | (1684 Reads)

Picture

尋日講左伊達邵, 我諗大家已經好想即刻飛去台灣玩架喇. 今日介紹多個全台灣獨有既地方比大家, 就係海賊王主題公園(One Piece). 不過講之前, 都要話比大家知點搭車去既, 今次唔係教你搭公車喇, 係搭纜車!

 (閱讀全文)

ThatsWhy | 14th Jul 2012 | 台中 - 南投縣 | (543 Reads)

Picture

無論你係搭船定係搭環湖公車黎都好, 去得日月潭, 無黎過伊達邵點算黎過呀. 尋晚講過啦, 呢度有老街比你行, 有古草風味既野比你食, 仲有民宿比你住. 不如睇左相先啦.

 (閱讀全文)

ThatsWhy | 14th Jul 2012 | 台中 - 南投縣 | (566 Reads)

Picture

前一篇文章為大家簡介左日月潭既各個景點, 今日就先講你落車既地方, 水社遊客中心 (即上一篇的圖A). 尋晚教左大家點由台中搭車去日月潭啦, 而總站就係呢度喇. 無論你想去日月潭任何地方, 都會經過呢度咁滯. 上圖見到既購票處, 就係搭船去伊達邵的. 而公車站就係環湖公車或者返台中既公車站. 除此之外, 水社仲係行街買野既好地方添.

 (閱讀全文)

ThatsWhy | 12th Jul 2012 | 台灣旅遊小貼士, 台中 - 台中市 | (3295 Reads)

自從有左高鐵之後, 去台灣旅行終於可以即日來回台北到高雄喇. 以往搭公車或台鐵要五個小時車程, 依傢兩個鐘就可以, 非常方便.

今集就等我為你地介紹下高鐵沿線既車站, 仲有就係, 究竟邊個站可以轉乘咩車.

Picture

 (閱讀全文)

ThatsWhy | 12th Jul 2012 | Y爺隨筆 | (355 Reads)

今日打開報紙同facebook, 最多人講既應該係香港誠品快要開張喇!! 對我黎講絕對係一件好事, 因為......我已經收埋左呢個秘密好耐 =.="

話說當我知道誠品會黎香港既一刻, 機玄巧合下, 筆者有機會同誠品既先投部隊見個面. 言談間, 原來幾位都是高雄人, 咁就更加好傾(我一早當左自己係高雄人, 哈哈). 其實誠品黎香港開鋪呢個動作並唔係大家所諗咁有預謀. 甚至我可以同你講, 到香港鋪裝修既呢一刻, 老闆都仲未黎過香港睇鋪, 你話奇唔奇?

 

 (閱讀全文)

Next